Minjar og rannsóknir

Rannsóknir eru mikilvægur grunnur að varðveislu menningarminja. Þjóðminjasafninu ber að stuðla að menningarsögulegum rannsóknum á þjóðminjum. Rannsóknarstarfið tengist bæði einstökum varðveisluverkefnum þar sem stuðlað er að því að skipuleggja söfnun, skrásetningu og forvörslu og stærri rannsóknarverkefnum, þverfaglegum eða á sviði einstakra fagsviða, svo sem fornleifafræði, listfræði, sagnfræði, þjóðháttafræði og byggingarsögu.

Rannsóknir

300.000 gripir

Í Þjóðminjasafni Íslands er varðveitt stærsta munasafn landsins. Áætlað er í árslok 2009 séu um 300.000 gripir. Stærsta safnheildin er hið almenna munasafn en í sérsöfnunum, sem eru 25 talsins eru yfir 100 þúsund gripir. Lesa meira

Hvað eru fornleifar?

Sérhver kynslóð hefur skilið eftir sig minjar í jörðu sem geyma brot af menningarsögu hennar og vitna um lífsbaráttuna á hverjum tíma. Þessar minjar kallast fornleifar og þær geyma oft mikilvægar heimildir sem hvergi er hægt að fá fram með öðrum hætti, en með fornleifarannsókn. Þess vegna er mikilvægt að fornleifum sé ekki spillt af gáleysi t.d. við verklegar framkvæmdir.

Lesa meira

Kreppan, hrunið og búsáhaldabyltingin

Þjóðminjasafn Íslands vinnur nú að söfnun heimilda um kreppuna, hrunið og búsáhaldabyltinguna. Af þessu tilefni hefur verið tekin saman spurningaskrá sem send er út um þessar mundir. Lesa meira

Fjölbreyttar rannsóknir

Hvað er forvarsla?

Forvarsla er þverfagleg starfsgrein sem hefur það að markmiði að stuðla að langtímavarðveislu hvers konar menningarsögulegra gripa, til dæmis listaverka, forngripa, bóka og handrita. Þar sem þessir gripir geta verið af ólíku tagi, sérhæfa forverðir sig innan ákveðinna greina forvörslu, svo sem málverkaforvörslu, forngripaforvörslu, textílforvörslu og pappírsforvörslu. Lesa meira

4 milljónir mynda í Ljósmyndasafni Íslands

Ljósmyndir eru stærsti efnisflokkurinn í safnkosti Þjóðminjasafns Íslands og eru í sérsafni sem heitir Ljósmyndasafn Íslands. Tæplega 4 milljónir mynda eru í safninu. Þar er að finna úrval þjóðlífs- og mannamynda frá því að ljósmyndin var fundin upp árið 1839 til aldamótanna 2000 en líka besta úrval teiknaðra og málaðra manna- og þjóðlífsmynda frá Íslandi frá 16.-19. öld. Á ferðinni - 1964