Spurt um stekk, lambakró, kvíar, útlit og afstöðu til bæjar, færikvíar, nátthaga, hvenær fært var frá, hvernig það fór fram, hjásetu, smala, meðferð á kvífé, kvilla í því og ráð við þeim, mjaltir, ílát og vinnubrögð, meðferð mjólkur hvenær hætt var að mjalta í kvíum, þjóðtrú í sambandi við fjármörk, geldingar og hleðslu á kvíum, ráð til að spekja fé, veðurspár af háttum kvífjár, þýðingu sauðfjár í draumi.
Nóvember 1962. 86 svör. 76 tölvusett. Um þetta efni eru einnig til um 400 frásagnir skráðar eftir öldruðu fólki (stúdentasöfnunin 1976).

Spurt um gerð og notkun heyvinnutækja, brýnslu og brýnsluverkfæri og þjóðtrú í sambandi við heyvinnu og heyvinnuverkfæri. Þessi skrá var gerð í samvinnu við Orðabók Háskólans og megináhersla því lögð á allt orðafar viðkomandi efninu.
Apríl 1963. 141 svar. Ekki tölvusett.

Spurt um víti fyrir óléttar konur, ráð til að greiða fyrir fæðingu, trú um fæðingarstundina, meðferð á barnsfylgju og sigurkufli, um efni og gerð reifa, þvott á börnum, barnamold, hvað börnum var gefið, mjólkurílát, barnspípu, pela, dúsur og vöggur, um varúðarráðstafanir ef að farið var frá barni, tannfé, val á nafni, skemmri skírn, mátt skírnarvatns, skírnargjafir, skírnarveislur o.fl.
1963. 120 svör. Tölvusett.

Október 1963. 40 svör. Tölvusett. Raðað með skrá 10.

Spurt um gestrisni, viðbúnað til að taka á móti gestum, fyrirboða um gestakomu, hvernig gestur gerir vart við sig á bæ, móttökur á bæ og aðbúnað, flakkara, kynnis- og orlofsgesti og kveðjur.
Febrúar 1964. 105 svör. 91 tölvusett.

Spurt um skinnaverkun, efni í bryddingar, þvengi og seymi, áhöld til skógerðar, vinnubrögð við skógerð, roðskó og skrápskó, skóbætur, skógeymslu, íleppa, hvenær stígvélaskór koma í notkun.
Október 1964. 103 svör. Tölvusett.

Spurt um rúningu, ullarþvott, ullartegundir, ullarlitun, tóvinnu, kembingu og spuna á togi.
Apríl 1965. 87 svör. 68 tölvusett.

Spurt um ullartæingu, kembingu, rokka, snældu, spuna, hespun og tóvinnuvélar.
Nóvember 1965. 109 svör. 75 tölvusett.

26 svör. Ekki tölvusett.

Spurt um vefnað, vefstól, hluta hans og heiti þeirra.

Apríl 1966. 54 svör. Tölvusett.

Spurt um torfskurð, hlífðarföt og áhöld, flutninga og þurrkun á torfi, torf til mismunandi nota, mótekju til eldiviðar, áhöld og vinnubrögð þar að lútandi.
Nóvember 1966. 98 svör. 88 tölvusett.

Spurt um áhöld, hvernig hnausar voru stungnir og hvenær, mismunandi gerðir af hnausum, flutning á torfi til húsagerðar, þjóðtrú í sambandi við húsagerð, reglur viðhafðar er bygging var hafin, hvernig hússtæði var mælt, hleðslu á veggjum, endurbætur á torfveggjum, grjótnám, grjóthleðslu og timburhleðslu.
Nóvember 1967. 72 svör. 58 tölvusett.

34 svör. Ekki tölvusett.

Spurt um vefnað, mismunandi gerðir (einskefta, salún o.s. frv.), um notkun hrosshárs og hundshárs. Apríl 1968. 36 svör. Tölvusett.

Spurt um drauma fyrir sumri, sumarboða, sumartungl, sumargjafir, hátíðabrigði á sumardaginn fyrsta, breytingar á hátíðahaldi á fyrsta sumardag.
Apríl 1969. 174 svör. Tölvusett.

Spurt er um lækningajurtir, heiti, söfnun, meðhöndlun, lækningamátt, skammtastærð og aðrar jurtir til lækninga.
102 svör. Tölvusett.

Spurt um heygarða, -tóttir, -borgir, -hella, votheysgeymslur, hlöður, hvernig gengið var frá heyi í þessum geymslum, tyrfingu heys og hversu sett var á eftir heyfeng.
Nóvember 1969. 105 svör. Tölvusett.

Spurt um veðurspár af stjörnum, spár í vetrarbraut, trú um stjörnuhröp, stjörnuspár, veðurmerki af sól, sólstafi, aukasólir, sólarkaffi, sólardans, rosabaug um sól, veðurmerki af regnboga, trú á ósk í sambandi við regnboga, sagnir um kallinn í tunglinu, veðurmerki af tungli, aðra fyrirboða af tungli. Spurt um trú og hugmyndir um sjávarföll, athafnir sem bar að miða við stöðu tungls og sjávar, önnur teikn á himni, norðurljós.
Apríl 1970. 84 svör. Tölvusett.

Spurt um flutningatæki og flutninga, klyfbera, efnivið og útlit, reiðinga, vinnubrögð við flutninginn, notkun á sleðum, vögnum og bátum.
Nóvember 1970. 110 svör. Tölvusett.

Spurt um sjúkdóma í hrossum og læknisráð.

Apríl 1971. 109 svör. Tölvusett.

Spurt um heyvinnuföt, mat, drykk og matmálstíma um slátt, töðugjöld, slaga, reiðver heyvinnufólks, flutning matar á engjar, breytingar á mataræði þegar engjaheyskapur hófst, matar- og drykkjarílát engjafólks. Spurt um viðlegu, þ.e. er hafst var við á engjum um nætur meðan heyskapur stóð yfir, hús þau eða tjöld sem þá var búið í, lífið í viðlegum.
Október 1971. 138 svör. Tölvusett.

Spurt um tegundir fjallagrasa, notagildi, grasaferðir, útbúnað manna í slíkar ferðir, grasatínsluna, frágang og flutning á grösum, þurrkun geymslu og hreinsun grasa, notkun fjallagrasa til matar eða lækninga.
Maí 1972. 86 svör. 72 tölvusett.

Spurt um samantekningu heys, heyþurrk, hvað var talið boða þurrk, hvernig heyi var snúið, rakað saman, dreift, garða, föng, sátur, galta o.s. frv., hvernig hey var bundið, hvort einn eða fleiri unnu að því, hve mikið ætlað var að menn byndu á einum degi, hvort síðasta fang var e.t.v. skilið eftir á engjunum, hvenær tekið var að nota heyýtur, dregnar af hestum, hvenær hæfilegt þótti að ljúka heyverkum á hausti. Spurt um hvort runnar eða hrís eða þvílíkt var slegið eða skorið til fóðurs og hvernig það fór fram ef gert var.
Nóvember 1972. 88 svör. Tölvusett.

Spurt, hvernig bein dýra voru notuð í leikjum, hvaða dýr hvert bein táknaði, eða hvernig þau voru notuð á annan hátt, hvernig skeljar og kuðungar voru notuð, hvaða blóm eða plöntur voru notuð í leikjum, smíðuð leikföng úr tré, úr málmi, brúður, búskaparleiki utan húss og innan, leiki sem beindust að sjósókn, breytingar á leikjum eftir því sem börn eltust, svo og leikföngum, vetrarleiki, hvenær útlend leikföng fara að koma til sögunnar.
Maí 1973. 143 svör. 124 tölvusett.

Spurt um slægjulönd, tún, vallendi, hálfdeigju, mýri, áveituengi, flæðiengi, nesslægjur og önnur gróðurlendi til slægna. Spurt um skiptingu slægna í reiti eða skákir milli jarða í margbýli, um útmælda teiga, m.a. í örnefnum, um leigu á slægjulöndum, varnir slægna, að vaka yfir velli. Spurt um hreinsun túna og annarra slægna, um álagabletti, þerribletti, rosabletti, undirbúning sláttar og sláttarbyrjun.
Október 1973. 106 svör. Tölvusett.

Spurt um trú fólks á skapgerðareiginleikum manna eftir útliti: enni, augum, eyrum, nefi, spékoppum t.d.. Spurt um hár, hárvöxt, klippingu, um hendur, fætur, fingur, tær og lögun þeirra, um neglur og tennur, tannfé og tannmissi. Spurt um vörtur og trú á þeim og ráð til að eyða þeim. Spurt um trú á og ráð við hiksta, hnerra, geispa, kláða, óvæntri hrösun og fleira.
Apríl 1974. 133 svör. 123 tölvusett.

Spurt um byrjun sláttar, slægju, hvernig gengið var að slætti, sláttulag, aðstæður við slátt, brýnslu, dengingu og álagningu ljáa, hvernig gengið var á ljáteig til raksturs eða flekkjunar, um hey á teigum, inniteppudaga, veðurfar við slátt, sláttuvélar, sagnir um frækna sláttumenn og fleira.
Nóvember 1974. 110 svör. Tölvusett.

Spurt um ýmsa hátíðisdaga, kirkjulega og veraldlega og tilbreytingu í sambandi við þá. Spurt m.a. um Eldbjargarmessu, Pálsmessu, þorra, kyndilmessu, föstu, bolludag, sprengidag, öskudag, imbrudaga, sæluviku, góu, hlaupár, riddaradaga, Gvendardag, einmánuð, boðunardag Maríu, 1. apríl, dymbilviku, páska, kóngsbænadag, 1. maí, krossmessu, vor og haust, eldaskildaga, lokadag, uppstigningardag, skerplu, hvítasunnu, þrenningarhátíð, fardaga, 17. júní, Jónsmessu, sjösofendur, hundadaga, Þorláksmessu á sumri og vetri, frídag verslunarmanna, höfuðdag, töðugjöld, slægjur, réttardansleiki, Mikjálsmessu, vetrarkomu, allraheilagramessu, Marteinsmessu, jólaföstu, jólasveina, 1. des. Nikulásmessu, Lúsíumessu, vökustaur, jól, áramót og þrettánda.
Apríl 1975. 161 svar. 150 tölvusett.

Spurt m.a. um veðurglögga menn og áhrif veðrabreytinga á líkama manna eða drauma. Um tilraunir til að breyta veðri eða afstýra óveðri. Trú á einstökum dögum. Veðurspár varðandi ásigkomulag húsa og híbýla. Spár vegna hegðunar dýra, gróðurs og annarra lífvera. Spár í innyfli sláturdýra. Einkenni lands, lagar og lofts.
Október 1975. 107 svör. 63 tölvusett.

Fjárhús, hirðing og fóðrun. Geitfé. Spurt m.a. um fjárhella, fjárból, fjárborgir og byrgi, skjólgarða og fjárhús. Um fjármenn og beitarhúsamenn, föt þeirra og mat. Um forystufé, fjárjarðir, ásetningu, gjafatíma, vetrarbeit, hrís og lyng sem fóður, fjörubeit, sjófang, sjúkdóma og fénaðarhöld. Auk þess spurt um geitfé á búi, geitakofa, vetrarfóðrun þeirra, fengitíma, burð, fráfærur, geitamjólk og kjöt. Þessi skrá var ekki send út, heldur dreifðu þjóðháttasafnarar sem fóru um landið henni sumarið 1976.
Apríl 1976. 97 svör. Tölvusett.

Spurt um gömlu túnin, túnasléttun með handverkfærum, útfærslu gömlu túnanna, hestaverkfæri og plægingar, engjaþýfi og girðingar.
Nóvember 1976. 110 svör. Tölvusett.

Spurt m.a. um leggjaskauta og nýrri skauta, skautaferðir, skíði og skíðaferðir, þrúgur, sleða og sleðaferðir, mannbrodda og nautajárn. Um leiki á fönnum og göngustafi.
Júní 1977. 117 svör. 99 tölvusett.

Spurt m.a. um orðnotkun varðandi svefnstaði, rúm í baðstofu, hjónahúsi og gestastofu. Um rúmbotn, sængur og kodda, rúmföt, rekkjutjöld og sparilök. Um uppbúið rúm, rúmfjalir og næturgagn.
Nóvember 1977. 144 svör. Tölvusett.

Spurt m.a. um háttumál, þjónustubrögð, hvernig menn háttuðu sig, hve margir sváfu saman í rúmi, kvöldbænir, orðfæri varðandi svefnvenjur, svefnþörf og háttalag í svefni. Um hvernig bænum var lokað og vísur og málshætti viðkomandi þessu öllu.
Maí - júní 1978. 177 svör. 167 tölvusett.

Spurt m.a. um sérstök verkfæri til að nota við hrosshársvinnu, rakáhöld og hrossarakstur, hverjir unnu úr hrosshári, hvenær og hvernig. Um gerð ýmissa hluta úr hrosshári, hvenær hrosshársvinna lagðist niður, vísur og orðtök.
Nóvember 1978. 103 svör. Tölvusett.

Spurt um hugtök varðandi leiki, um úti og innileiki, líkamlegar íþróttir, orðaleiki, þrautir, gátur, þulur, vísnakeppni, töfl og spil.
Maí 1979. 106 svör. 91 tölvusett.

Spurt m.a. um kirkjuhúsið, lýsingu í kirkjum, sætaskipan, hringjara, meðhjálpara, hringingar, kirkjuferðir, kirkjusöng og kirkjusiði. Um líf og starf prestsins innan og utan kirkju, ferðalög hans, stöðu prestshjónanna og prestsetursins og um kirkjuna sem félagsmiðstöð.
Nóvember 1979. 97 svör. Tölvusett.

Spurt m.a. um vatnsból, not af bæjarlæknum, brunna, öflun regnvatns, og vatns í frostatíð, vatnsburð, lækningalindir, vatnsleiðslur og varúðir í sambandi við vatn.
Júlí 1980. 120 svör. Tölvusett.

Spurt um samkomuhús, dansleiki, samkomur tengdar hátíðisdögum, íþróttastarf, leikstarfsemi, sönglíf, ungmennafélög, kvenfélög og saumaklúbba. Um starfsemi templara, málfundafélög, fyrirlestra og blaðaútgáfu.
Desember 1980. 190 svör. Tölvusett.

Spurt um reiðtygi og reiðver, söðla og hnakka, söðlasmíði, hnakktöskur, undirdekk, reiðskinn, yfirgirðingu, söðulgjarðir, áklæði, sessur, reiðföt, svipur og keyri, spora, beisli, þófa, ístöð, hamólar og fleira. Spurt um akurleifar, baðlaugar, beitarhús, brýr, brunna, bæjarhús, dómhringi, dysjar og fornmannagrafir, eyðibýli, fjárborgir, garðlög, helgar lindir, hafnir og verslunarstaði, hof, kirkjur, bænhús, kirkjugarða, kvíar, stekki stöðla, lambabyrgi, nátthaga, myllur, refagildrur, skotbyrgi, réttir, sel, smalakofa, stakkgarða, stíflur, sæluhús, útihús, útræði og fleira.
Júlí 1981. 103 svör. 77 tölvusett.

Spurt um akurleifar, baðlaugar, beitarhús, brýr, brunna, bæjarhús, dómhringi, dysjar og fornmannagrafir, eyðibýli, fjárborgir, garðlög, helgar lindir, hafnir og verslunarstaði, hof, kirkjur, bænhús, kirkjugarða, kvíar, stekki stöðla, lambabyrgi, nátthaga, myllur, refagildrur, skotbyrgi, réttir, sel, smalakofa, stakkgarða, stíflur, sæluhús, útihús, útræði og fleira.
Júlí 1981. 20 svör. Tölvusett.

Spurt um áhöfnina, skipstjóra, stýrimann, kokk, vélamann, káetu, lúkar, mataræði, yfirnáttúruleg fyrirbæri, landvist o.fl.
Send út fyrst í nóv. 1981. Einnig voru tekin viðtöl. 75 svör. Tölvusett.

Spurt um smiðjur á heimilum, smiðjubelg, steðja, rekstein, hersluþró, smíðajárn, áhöld, hverfistein, smíðakol, einstaka smiði, smíðisgripi, aukahlutverk smiðju.
Nóvember 1981. 92 svar. Tölvusett.

Spurt um heimreið að bæ, göngugarða, stiklur, aðrar heimleiðir, ferðamannagötur, vöð, ferjur, áningarstaði, vörður og varðaða vegi, dysjar, upphleyptar brýr, aflraunasteina, sæluhús. Auk þess spurt ýtarlega um vegagerð á þessari öld, allt til þess að bílar og jarðýtur komu til sögunnar.
Maí 1982. 77 svör. Tölvusett.

Spurt um búferlaflutninga úr dreifbýli í þéttbýli, atvinnu foreldra, uppvaxtarheimili, bernsku, skólagöngu og atvinnu heimildarmanns á uppvaxtarárum. Auk þess spurt um unglingsár.
Júní 1982. 163 svör. 150 tölvusett.

Beðið um lýsingu á gamla hlóðaeldhúsinu og helstu lausamunum þess. Spurt um eld í hlóðum, eldsneyti eða eldsmat. Beðið um lýsingu á starfsdegi eldakonu frá rismálum til háttumála. Spurt um þær breytingar sem áttu sér stað vegna komu eldavéla og rafmagns inn á heimilið.
Júlí 1982. 108 svör. 93 tölvusett.

Spurst fyrir um hella, notkun þeirra, umbúnað við þá, manngerða hella og sögur og sagnir varðandi hella.

Okt- nóv.1982. 96 svör. Tölvusett.

Spurt um hvernig ráðningu á togara var háttað, áhöfnina, skipstjórann, stýrimenn, loftskeytamann, bátsmann, vélstjóra, kyndara og smyrjara, háseta, lifrarbræðslumann, kokk, vistarverur og samskipti, matarhætti, tóbaks- og áfengisnotkun, veiðarnar, uppskipun, siglingar á erlendar hafnir, loftskeytatæki og talstöðvar, kaup og kjör, frítíma, landvist og yfirnáttúruleg fyrirbæri.
Desember 1982. 31 svar. Tölvusett.

Spurt um máltíðavenjur, fjölda máltíða og hvað var haft í hvert mál, um fæðutegundir og matreiðslu á þeim, t.d. kjöt, fisk, fugl, egg, matjurtir, kornvöru, brauð, grauta, súpur, búðinga, viðbit og álegg, drykk og matargerð úr afgöngum. Spurt um verkunaraðferðir og geymslu á mat, um ofnsteikingu, pönnusteikingu hverasuðu, mallsuðu, moðsuðu o.fl.
Apríl 1983. 118 svör. 108 tölvusett.

Spurt um ráðningu í vinnu, vinnutíma, laun, vinnuaðbúnað, framkvæmd vinnu, matartilhögun, tóbaks- og áfengisneyslu, vinnuklæðnað, starfsfólk á vinnustaðnum, samvinnu og samstöðu, tengsl einkalífs og atvinnu, uppsagnir og atvinnuleysi, frítíma o.fl.
Apríl 1983. 50 svör. Tölvusett.

Spurt um húsnæði og húsaskipan, innanstokksmuni, skrautmuni, salernisaðstöðu, ljósfæri, upphitun, neysluvatn, þvotta, hreingerningar, föt og fatagerð, mataröflun og matargerð, brauð- og kökugerð, máltíðir og mataræði, borðsiði, borðbúnað o.fl.
Apríl 1983. 50 svar. Tölvusett.

Spurt um hve lengi var sótt til fiskjar á árabátum, um breytingar á smábátaútgerð með tilkomu vélbáta, um vertíðaskipan og breytingar á henni gegnum árin, um ráðningu á vélbáta, áhöfn, formann, mótorista, háseta og störf þeirra, um vistarverur, mataræði, tóbaks- og áfengisneyslu, fatnað og hreinlæti, fiskveiðarnar og vinnuna um borð, losun, kaup og kjör, frítíma o.fl.
Apríl 1983. 42 svar. Tölvusett.

Spurt um spæni og spónasmiði, áhöld spónasmiðs, horn til spónasmíði, aðferðir við smíðina, upplöðun á spónum, spónamat og mismun á spónum og skeiðum. Spurt um púðurhorn, brennivínshorn smalahorn, tóbaksbauka, hagldir, uglur, klakka, kýrklafa, skauta, sleðameiða, fjalhögg, veggjarhæla og sæti. Spurt um gripi úr hvaltönn, rostungstönn og fílabeini, um útskurð í horn og bein, um notkun fjöðurstafs til ýmissa smáhluta o.fl.
Júní 1983. 60 svör. Tölvusett.

Spurt um trúlofun, giftingu, óvígða sambúð, barneignir og ungbarnaumönnun, uppeldi, skólagöngu, barnavinnu, hversdagsleg samskipti á heimilum, líkamshirðingu, heilsufar, heilbrigðisþjónustu o.fl.
Maí 1983. 22 svör. Tölvusett.

Spurt um aðstæður vinnukvenna, vinnutíma, laun, vinnuaðstöðu, verkin sem þær voru látnar vinna, vinnuklæðnað, samskipti við heimilisfólk, frítíma, einkalíf, viðhorf o.fl.
1983. 31 svar. Viðtöl. Ekki tölvusett.

Spurt um ýmsa merkisatburði á lífsleiðinni svo sem skírn, afmæli, fermingu, próf, trúlofun, giftingu, andlát og útför, um árstíðabundnar hátíðir svo sem þorrablót, sólarkaffi, öskudag, bolludag, sprengidag, 1. apríl, páska, sumardaginn fyrsta, 1. maí, lokadaginn, uppstigningardag, hvítasunnu, sjómannadaginn, 17 júní, Jónsmessu, frídag verslunarmanna, fyrsta vetrardag, 1. desember, jólin o.fl. Spurt um skemmtanir, t.d. leiksýningar, kvikmyndasýningar, söngskemmtanir, spilakvöld, happdrætti, tombólur, bögglauppboð, bingó og böll. Spurt um starfsemi áhugamannafélaga, trúarlíf, spariföt, o.fl.
Júní 1983. 62 svör. 40 tölvusett.

Spurt um svaladrykki, t.d. sýrublöndu, saft, og ávaxtadrykki, um soð af kjöti og fiski til drykkjar, um kakó, súkkulaði, te og bland. Spurt um kaffi, t.d. kaffikaup heimila, kaffibrennslu og áhöld þar að lútandi, kaffigeymslu, kaffikvarnir og mölun, kaffihitun, ketilkaffi, export og aðrar aðferðir til að drýgja kaffi, orðtök tengd kaffi (sterkt, dauft, mismunandi hitastig o.fl.), um kaffitíma, siði og venjur varðandi kaffidrykkju, kúmenkaffi, kanelkaffi, sykurumbúðir og sykurgeymslu, toppasykur, kandíssykur, molasykur, sykuröxi, sykursög, og sykurtengur. Spurt um áfengi, t.d. vín með mat, neyslu sterkra vína, heimabrugg, kveðskap þessu tengdan o.fl.
September 1983. 147 svör. 61 tölvusett.

Spurt um hvaða fuglategundir voru veiddar og hvaða egg tekin, um veiðarfæri (háf, net, snörur, grindur o.fl.), um aðferðir við veiðarnar, bjargsig og klifur, aflamagn, heimflutning aflans, hlutaskipti og sölu afla, verkun og matreiðslu á fugli og eggjum, venjur, sagnir og þjóðtrú sem tengist fugli og fuglaveiðum, um mannlíf í viðleguplássum, fálkaveiðar, nytjar af minni fuglum, meinfugla o.fl.
Febrúar 1984. 57 svör. Tölvusett.

Spurt um Grýluþulur, dýraþulur, fræðiþulur, leikþulur, um barnagælur og vísur eða þulur sem notaðar voru til að telja úr leik, um hvernig og hvers vegna farið var með þulur, hvenær ævinnar og af hverjum menn lærðu þulur. Spurt um gátur, t.d. gátur sem hafa að ráðningum nöfn á áhöldum, hlutum eða vinnubrögðum, gátur um fugla og dýr, gátur um manninn o.fl gátuflokka. Spurt um við hvaða tækifæri helst var farið með gátur, hvenær og hvers vegna menn lærðu gátur, hverjir fóru helst með gátur o.fl.
Maí 1984. 183 svör. 141 tölvusett.

Spurt um hesthús, traðir, hrossaborgir, skjólgarða og skjólgott land, hey handa hrossum, kvist, lyng, ásetning og hagajörð, fóður úr fiskfangi, fóðurbæti, vetrarbeit og gjöf á húsi. Um gaddhesta, ungviði, hrossmeis, hrosshrip, kveðskap og fleira.
Nóvember 1984. 126 svör. Tölvusett.

Spurt um trú á drauma, berdreymi, um að dreyma fyrir daglátum, um draumspaka menn og skyggna, draummenn og draumkonur, huldufólk, fyrirburði og teikn. Spurt um veðurspádóma, spilaspá, spá í bolla, lófa, hrukkur, korg og fleira.
Mars 1985. 116 svör. 79 tölvusett.

Spurt um uppskriftir, kennslu í brauðgerð, bakstur, steikt brauð, soðkökur, deig, bragðefni, áhöld, brauðfyllingar, brauð til hátíðabrigða, frágang, geymslu, breytingar á brauðgerð og fleira. Spurt um kornmyllur og mölun. Um gerð myllunnar, mölunina, kvarnasmíði, hreinsun mylla og melkorn.
Október 1985. 119 svör. Tölvusett.

Spurt um allt varðandi ferðalög og flutninga þ.á m., undirbúning, áningu, fótgangandi ferðalanga, hestakost, ferðir og flutninga á sjó, ferðalög að vetrarlagi, hrakninga, kaupstaðaferðir, skemmtiferðir, farandverkamenn, vörkuskiptaferðir, flækinga, breytingar á ferða- og flutningsmáta og fleira.
Febrúar 1986. 94 svör. Tölvusett.

Spurt um hreinsiefni, tækni og þróun á þessu sviði, þ.á m. um vatn, þvottaefni, keytu, sót og soð. Einnig er spurt um hreingerningu og hreinlætisaðstöðu í hýbýlum, s.s. loftræstingu, tiltektir, hreingerningar, gólf, rúm, matarílát og tóbak. Þá er spurt um fataþvott og frágang m.a. um sjálfa þvottana, þurrkun, pressun, strauningu og stífingu svo og um ýmsar aðrar hreinlætisvenjur í sambandi við þrifnað utanhúss, sorpeyðingu, verkfæri, stofnanir og fleira.
Mars 1986. 104 svör. Tölvusett.

Spurt um persónulega umhirðu og snyrtingu, bað og þvott, almennt hreinlæti, hár, skegg, tennur, andlitssnyrtingu, náðhús, salerni, baðker o.fl. Spurt um heilsufar og lækningar, þ.á m. meðöl, kvilla og smáskammtalækna. Einnig er spurt um sníkjudýr og önnur vanþrifakvikindi.
Sept. 1986. 90 svör. 34 tölvusett.

Hér er spurt um flest sem varðar hundinn, tegundina, hundakynið, heimilishundinn. Spurt um verð á hundum og hvolpum, hvernig hundur verður til, fæðingu, auðkenni, liti hunda og nöfn, hárafar, rödd, ratvísi, þefskyn, spádýrið hund, tíkarmjólk, lækningar, hundsbit, áflog hunda, hrælykt, hundaþúfur, hunda í mannaferð, bæli hunds, hundsdall og hundstrog. Einnig er spurt um hundsstein, hundsmat, hundslap, smalahund og fjárhund, hundafár, hundahreinsun, hunda í draumi, hunda sem fylgju, anda, sál og dauða, mann og hund, kveðskap, sagnir, orð og málshætti.
Maí 1987. 71 svör. Tölvusett.

Spurt um margt sem varðar nám, starf og kjör hjúkrunarkvenna, svo sem um skólann, nemavinnu, kennslu á deildum, búning, kjör og frítíma hjúkrunarnema og helstu breytingar á hjúkrunarnáminu. Einnig um hjúkrunarstarfið að námi loknu, starfslýsingu, verkaskiptingu á heilbrigðisstofnunum, samskipti starfsfólks og eins samskipti starfsfólks og sjúklinga, um vinnuskilyrði, kjör, stöðu hjúkrunarkvennastéttarinnar, félagsstarfsemi, endurmenntun, sérnám og margt fleira.
Reykjavík sept. 1987. 22 svör. Tölvusett.

Spurt um auðkenni á búfénaði (hestum, nautgripum, sauðfé og geitfé) svo sem hornalag, vaxtarlag, ullar- eða hárafar, lit, svip, skapferli o.fl., orðalag haft um þessi einkenni og eins hvernig nöfn dýra voru af þeim dregin. Reykjavík des. 1987. 105 svör. 90 tölvusett.

Spurt um borðhald, laufabrauðsskurð og breytingar á hversdagsfæði fólks á síðustu áratugum.
Reykjavík des. 1987. 136 svör. Tölvusett.

Spurt um söng- og tónlistariðkun í heimahúsum, á mannamótum, í kirkjum, félögum, kóra o.fl. Spurt um tónlistarkennslu í héröðum og um tónskáld og lagasmíðar.
Reykjavík, Þjóðháttadeild Þjóðminjasafns í samvinnu við Tónlistarsögu Íslands, sept. 1988. 158 svör. Tölvusett.

Spurt um iðnnám, starf, vinnuskilyrði, tæki, vinnubrögð, launakjör og félagslega baráttu prentara og bókbindara á fyrri hluta þessarar aldar.
Reykjavík, okt. 1988. 11 svör. Tölvusett.

Spurt um siði og venjur á jólum, undirbúning, mat, skraut, söngva, jólasveina, jólaskó, gjafir, leiki, spil og boð á jólum, jólakort og kveðjur.
Reykjavík, des. 1988. 49 svör. Tölvusett.

Spurt um kennslu barna í skrift og lestri. Spurt um aðferðir, stafagerð, ritföng, námsbækur í lestri og skrift, kennara, orðnotkun, eftirlit og viðhorf, bóklestur á heimilum o.fl.
Reykjavík, apríl 1989. 145 svör. 113 tölvusett.

Spurt um minningar manna um fyrstu bílana sem þeir kynntust og þær breytingar sem bílar höfðu í för með sér í heimabyggð hvers og eins. Spurt um vörubíla, mjólkurbíla, fólksbíla, jeppa, langferðabíla, bílstjóra og kjör þeirra, viðgerðir og umhirðu bíla, bílvegi og vegavinnu; um nýyrði sem tengdust bílum og vísur, kvæði eða sögur sem urðu til um bíla, bílferðir eða bílstjóra.
Reykjavík, nóvember 1989. 149 svör. 134 tölvusett.

Spurt er um ljósmyndara á mismunandi landssvæðum, hvernig starfsaðstöðu þeir höfðu, myndatökur, farandljósmyndara, svindlara, frístundaljósmyndun og þjóðtrú.
54 svör. Tölvusett.

Spurt um viðhorf manna til aðdraganda stríðsins, um hernámsdaginn, um mannvirki og stríðstól, loftvarnarbúnað, samskipti og þjónustu við hermenn, vinnu hjá Bretum og Bandaríkjamönnum, kaupskap, um búseturöskun á þessum tíma og flutning barna úr þéttbýli í sveit; um tískubreytingar og viðhorf til stríðsaðila og samskipta við þá.
Reykjavík, apríl 1990. 89 svör. 79 tölvusett.

Spurt um áhöld til saumaskapar, verð, hvaðan þau komu, viðhald o.fl. Spurt um fatasnið, móðinsblöð, fataefni, hvernig vent var, stykkjað, bætt og saumað upp úr gömlu. Spurt um saum á rúmfatnaði, handklæðum, diskaþurrkum o. fl. Spurt um saumanámskeið, saumakonur, áhöld til að strauja og pressa, fatnað fólks hversdags og á hátíðum, fatahirslur, þrifnað og þjóðtrú varðandi fatnað og sauma.
Reykjavík, nóvember 1990. 119 svör. Tölvusett.

Spurt um fjörunytjar og strandjurtir, verslun, neyslu og viðskipti. Spurt um verkun og neyslu á skelfiski, loðnu, sel, flyðru og hákarli ásamt vísum sögum orðtökum og þjóðtrú sem tengjast þessum dýrum.
Reykjavík, mars 1991. 83 svar. 72 tölvusett.

Spurt um verur úr dýraríkinu sem ollu mönnum skaða á heimili, við vinnu eða á eigin líkama, ráð til að verjast þeim og sögur af viðureign manna við þau. Spurt t.d. um mýs, rottur, tófur, minka, hrafna, veiðibjöllur, örn, kjóa og skorkvikindi og jafnframt um húsdýr sem bölvun hljóp í og hegðun þeirra.
Reykjavík, október 1991. 59 svör. Tölvusett.

Október 1991. 9 svör. Tölvusett.

Spurt um hannyrðakennslu stúlkubarna á heimilum sínum eða annars staðar, um hvers konar handavinna var unnin á heimilum, hvenær og hverjir unnu, um saumaklúbba, um útsaumsgerðir, munstur, garn og grunn, um tískusveiflur varðandi útsaum og útsaumsmunstur, um hluti sem tengjast útsaumi, um námskeið og handavinnukennslu í skólum o.fl.
Reykjavík, september 1991. 78 svör. Tölvusett.

Spurt um varpjarðir, varpstæði, íburð í hreiður, hreiðurgerð, skreytingar til að hæna fugl að varpi, varg, eggja- og dúnleitir, dúngeymslu og hreinsun, viðskipti með dún og egg, nöfn, veiðar og neyslu á æðarfugli, orðtök, vísur eða sögur sem tengjast æðarfugli o.fl.
Reykjavík, september 1991. 29 svör. 13 tölvusett.

Spurt um bónorð og trúlofun, bónorðsbréf, trúlofunarhringa og trúlofunarveislur, lýsingu, meinbugi á giftingu, hjónavígslu - klæðnað, skartgripi, veislu, hringa, gjafir -. Spurt um tryggðapanta, heimanmund, kaupmála, ráð til að ná ástum pilta eða stúlkna, þjóðtrú, t.d. fyrirboða varðandi hjónaband, sögur, vísur og fleira sem trúlofun og giftingu tengist.
Reykjavík, mars 1992. 75 svör. Tölvusett.

Spurt um kennslu í garðrækt og matreiðslu á grænmeti, handbækur, ræktunarsamtök, nýtingu á jarðhita til ræktunar, um kartöflur -útsæði, undirbúningu garða, sáningu, hirðingu og uppskeru, ráð gegn kartöflusjúkdómum, matreiðslu á kartöflum og ýmislega aðra notkun á kartöflum en til matar. Spurt um hvað ræktað var í grænmetisgörðum þar sem heimildarmenn þekktu til og hvernig það var matreitt og geymt, um rabbarbara, hvönn, kúmen og nytjar af villtum jurtum í nágrenni bæja, um tré og blóm í skrautgörðum við bæji, hirðingu kirkjugarða o.fl.
Reykjavík, okt. 1992. 85 svör. Tölvusett.

Spurt er um greiðasölu í sveitum, hvar hún var starfrækt, hvernig, af hverjum og svo framvegis.
September 1992. 141 svör.

Spurt um notkun á forsetningum með bæja- og staðanöfnum, áttatáknanir og aðra viðmiðun staða.
Reykjavík, nóv. 1992. 80 svör. Tölvusett.

Spurt er um rústir af margvíslegum toga, staðsetningu, tegund, aldur, fjölda, heiti og munnmæli.
67 svör. Tölvusett.

Spurt um skyggni almennt, um viðhorf til huldufólks, bústaði þess, siði, atvinnuhætti, ferðalög og hátíðahöld. Spurt um samskipti álfa og manna, um dísir, ljúflinga, dverga, búálfa, blómálfa o.fl.
Reykjavík, mars 1993. 143 svör. 117 tölvusett.

38 svör. Tölvusett.

70 svör. Tölvusett.

Spurt um konungskomur, fánanotkun, Alþingishátíðina 1930, hátíðahöld 17. júní og 1. desember, um sjálfstæðisbaráttuna, lýðveldiskosningarnar 1944 og lýðveldishátíðina.
Reykjavík, okt. 1993. 88 svör. Ekki tölvusett.

Spurt er um af hvaða tilefni fólk gerðist matseljur/kostgangarar, stöðu þessa fólks í samfélaginu, hvenær það tilheyrði þessum hópum o.fl.
Október 1993. 34 svör. Tölvusett.

Spurt um hænsn, fjölda, fóður, aðbúnað, sjúkdóma, nöfn, útlit, hegðun, geymslu og matreiðslu eggja og kjöts, orðtök, um kalkúna og gæsarækt, um aðra tamda fugla og tamningu á villtum fuglum.
Reykjavík, mars 1994. 96 svör. Tölvusett.

Spurt um ráð við kvillum, t.d. um meiðsli og viðbúnað við þeim, smitsjúkdóma, húðsjúkdóma og líkamslýti, meðhöndlun langlegusjúklinga, heilsurækt og ýmiskonar hómópatalyf og lækningajurtir. Spurt um læknisþjónustu og sjúkraflutninga, huglækningar, grasalækningar, hómópata og smáskammtalækna. Reykjavík, nóvember 1994. 118 svör. Tölvusett.

Spurt um húsnæði, heimilistæki, þvotta og hreingerningar, mataræði, heilsufar, vinnu og nám barna og unglinga, ferminguna, unglingsárin, lát nákominna ættingja og viðhorf til dauðans.
Reykjavík, nóvember 1994. 144 svör. Tölvusett.

Spurt um stangveiðar, netaveiðar, ýmsar gerðir af veiðarfærum og beitu, veiðihús, sportveiðar, veiðistaði, veiðiferðir, veiðifélög, veiðar útlendinga, veiðiþjófnað, veiðisögur, áhrif virkjana og mengunar á veiði og fiskrækt.
Reykjavík, október 1995. Send körlum. 78 svör. Tölvusett.

Spurt um breytingar á þorrablótum og tilhögun þeirra. Spurt um hverjir standi fyrir þorrablótum, um húsnæði, skemmtiatriði og fastar siðvenjur, um hvernig og hvaðan maturinn sé og hvernig hann sé fram borinn, um nýrri rétti sem unnið hafa þegnrétt á þorrablótum, drykki, viðhorf til þorramatar, um sögur af matmönnum og um myndir af þorramat eða þorrablótum.
Reykjavík, október 1995. Send konum. 132 svör. Tölvusett.

Spurt um trú á skeifur til verndar eða lukku, hvar slíkar skeifur voru hafðar og hvernig þær snéru.

Október 1995. 113 svör. Tölvusett.

Spurt m.a. um stórviðri, frosthörkur, ísingu, sjávarflóð, vatnsveður, þrumuveður, skriðuföll og berghlaup, snjóflóð, hafís, jarðskjálfta, eldgos, arfsagnir, drauma og dulræn fyrirbæri sem efninu tengjast.
Febrúar 1996. 156 svar. Tölvusett.

Spurt um vesturfara í fjölskyldunni og samband við þá, bréfaskriftir, gjafir, áhrif frá nýja heiminum, heimsóknir, myndir o.fl.

Febrúar 1996. 76 svör. Tölvusett.

Spurt m.a. um tilhögun ráðningar, vinnutíma, vinnubrögð, föt og aðbúnað, hreinlæti, matarhætti og tóbaksneyslu, samskipti í vinnunni, veikindi og slys, vélvæðingu, vinnuflokka, stjórnendur, ráðskonur, tómstundir, dularfull fyrirbæri, myndir og gripi.
Mars 1996. 112 svör. 92 tölvusett.

Spurt m.a. um prjóna og band, mismunandi hnykla, prjóngerðir, uppskriftir, fit, jaðra, bruðning, munstur, hreinsun, þæfingu, pressun, viðgerðir. Spurt um sokka, illeppa, vettlinga, handstúkur, trefla, sjöl, peysur, treyjur, vesti, úlpur, húfur, buxur, nærfatnað, slifsi, tátiljur, axlabönd, ermabönd, belti, sokkabönd, ungbarnaföt, pyngjur, ábreiður, mottur, rúmföt, sessuborð, dúka, pottaleppa, handklæði, þvottapoka, bekkjatuskur, mjólkursíur, skyrsíur, ostapoka og kirkjutextíla. Spurt um prjónavélar, sölu, félög, kennslu og námskeið.
Október 1996. 76 svör. Tölvusett.

Spurt um ýmislegt varðandi tóbaksneyslu í fyrri tíð, m.a. vindla, rullu, skro, snús, sígarettur og pípu. Spurt um tóbaksílát, ilmefni í tóbak, spýtubakka, öskubakka, eldfæri, munnstykki, reykborð. Spurt um tóbak til lækninga, uppnefni, orðtök, sögur, vísur o.fl.
Mars 1997. 98 svör. 57 tölvusett.

Fyrirspurn send til veitingahúsa um það hversu mikið og hvernig menn nota íslenskar matarhefðir í ferðaþjónustunni. Fyrirspurnin var send út á vegum Samstarfsnefndar um íslenskar matarhefðir (Iðntæknistofnun, Ferðamálaráð, Fræðsluráð hótel- og matvælagreina, Þjóðminjasafnið).
September 1997. 14 svör. Tölvusett.

Spurt m.a. um reynslu eða sagnir af björgun úr lífsháska eða lækningar á óútskýranlegan hátt og fólk sem talið hefur verið búa yfir mætti til að gera kraftaverk.

Október 1997. 70 svör. EKKI TÖLVUSETT.

Lesa meira

Spurt m.a. um samkomur sem eru bundnar ákveðnum matarhefðum uppruna þeirra og framkvæmd, matrétti og aðra fasta liði, sögur, myndir og vísur sem þessu tengjast.
Febrúar 1998. 74 svör. Tölvusett.

Spurt um ýmislegt varðandi trúarlíf manna svo sem trúaruppeldi, bænir, áheit, signingar, helgihald á hátíðum og merkisdögum, trúarlegar myndir og deilur um trúmál, guðsorðabækur, húsvitjanir, húslestra, upphrópanir og blótsyrði og margt fleira.
Október 1998. 139 svör. 124 tölvusett.

Spurt m.a. um námsval, væntingar, fjöldatakmarkanir, kennslu, kennara og próf, íþróttir, annað félagslíf og skemmtanir, nám á erlendri grund og um það hvernig nám nýttist í lífinu að loknum skóla.
Október 1998. 49 svör. Send þeim sem útskrifuðust úr Háskóla Íslands fyrir 1960. Tölvusett.

Í skránni er spurt um fyrstu upplifun heimildarmanna af rafmagni s.s. lýsingu, um heimarafstöðvar, vatnsaflsstöðvar, vindmyllu-, bensín- eða díselrafstöðvar. Spurt er um komu samveiturafmagns, hvort það hafi tengst kosningaloforðum eða fyrirgreiðslu stjórnmálamanna, um framkvæmdahraða, rafvinnuflokka og samskipti við þá. Spurt er um rafmagnsnotkun og til hvaða verka það var mest notað. Spurt er um fordóma og vantrú manna á rafmagninu, um slys af völdum þess, fræðslu almennings um rafmagnið og áhrif þess á daglegt líf. Í skránni er einnig spurt um ljósastæði, slökkvara, innstungur, ljósakrónur, kúpla og lampa en einnig um rafmagnsskömmtun og rafmagnsleysi af völdum bilana. Spurt er um endurnýtingu t.d. á öryggjum og um orðtök er varða rafmagnstæki, ljósastæði og almenna notkun rafmagnsins.
Mars 1999. 133 svör. Tölvusett.

Spurt er um svipi látinna manna, hvernig þeir birtust o.fl.
Mars 1999. 39 svör. Tölvusett.

Spurt er um fyrstu raftæki er komu á heimili manna, um eldavélar og mismunandi gerðir þeirra, um straujárn, þvottavélar, rafmagnsþvottapotta, þvottavindur og þurrkara. Einnig um ísskápa og endingu þeirra og gerðir, um frystikistur, uppþvottavélar, hraðsuðukatla og um notkun þeirra, um brauðristar, hrærivélar, ryksugur og bónvélar, vatnshitunartæki eða -dunka, saumavélar og hverrar gerðar þær voru, og um raftæki til munaðar s.s. rafknúna tannbursta, nuddtæki o.fl. Spurt er um mest notuðu heimilisækin, um aðgreiningu ?eldunar- og ljósarafmagns.
Október 1999. 64 svör. Tölvusett. Lesa meira

Spurt er um hvenær útvarp kom fyrst á heimilið, hvar fólk heyrði fyrst í útvarpi, um erlendar útvarpsstöðvar, fyrstu útvarpstækin og hvað þau voru nefnd. Spurt er um sérstaka útvarpsþætti sem ekki mátti missa af, um einstaka liði dagskrár s.s. fréttir, auglýsingar, sögulestur, útvarpsleikrit, barnatíma, erindi, tónlist, tungumálakennslu, stjórnmálaumræður og guðsþjónustur og um jarðarfarir í útvarpinu. Spurt er um breytingar á vinnulagi eða stundaskrá.
41 svör. Tölvusett.

Spurt um jólaboð í fjölskyldu og kunningjahópi heimildarmanns, um undirbúning slíkra boða, tímasetningu og tilhögun, verkaskiptingu, húsnæði, ferðir, mat, fatnað, drykki, leiki og spil.
Apríl 2000. 141 svör. Tölvusett.

Spurt um vísur sem menn hafa gert til minnis um margvíslega hluti, svo sem námsgreinar í skóla, bæjanöfn, örnefni, innkaup eða annað.
Apríl 2000. 141 svör. Tölvusett.

Leitað er eftir persónulegum minningum heimildarmanna um innileiki og leikföng í eigin bernsku svo og barna og barnabarna ef um þau er að ræða. Spurt er um leikföng, bækur, hverjir helst gáfu leikföng og af hvaða tilefni, hvaða orð voru notuð um leikföng, heimatilbúin leikföng, fjöldaframleidd leikföng, eftirminnilegustu leikföngin, geymslu á leikföngum, leggi, skel, horn, kjálka, söfnun á myndum, hvar og hvenær var leikið sér, að segja sögur, spil, tafl, leiki með blað og blýant, orða- og þululeiki, gátur, skrítlur, skondnar vísur, söngleiki, hringdansa, hlutverkaleiki, myndbönd, tölvuleiki, jólaboð, afmæli, einelti o.fl.
Nóvember 2000. 126 svör. Tölvusett.

Beðið er um sögur af uppruna og notkun gælunafna. Spurt um hver hafi fundið upp gælunafn heimildarmanns, hverjir kalli hann því og hvernig þetta hafi breyst á æviskeiðinu.
Nóvember 2000. 122 svör. Tölvusett.

Spurt er um útileiki sem heimildamenn stunduðu í bersku, leikföng, hlutverkaleiki, eltingaleiki, feluleiki, boltaleiki, parís, húla, snú snú, sippa, farartæki, útileiktæki, vetrarleiki, veiðar og söfnun.
Maí 2001. 68 svör. Tölvusett.

Spurt er um tilbreytni á öskudag og þróun öskudagstilhalds.
Maí 2001. 55 svör.

Helsti hátíðamatur Íslendinga um aldir hefur verið hangikjöt, reykt kjöt af sauðfé. Menn hafa einnig reykt afurðir nauta og hrossa, fugl og fisk af ýmsu tagi, sel, hval og margs konar rétti úr þessum fæðutegundum. Spurningaskránni er ætlað að skrásetja fróðleik um það sem tíðkast nú og jafnframt um eldri hefðir og þróun. Desember 2001. 151 svör. Tölvusett.

Í þessari spurningaskrá er leitað er eftir minningum og viðhorfi fólks til dauða, greftrunar og sorgar á síðari hluta 20. aldar. Spurt er um feigðarboða, banalegu, andlát, sjálfsvíg, hlutverk presta, umbúnað látinna, kistu, kistulagningu, húskveðjur, minningarathafnir, viðbrögð við andláti, undirbúning jarðarfarar, útför, erfidrykkju, sorg, samúðarkveðjur, minningargreinar, þátttöku barna í sorgarferlinu, útvarpsjarðarfarir, myndatökur og breytingar á útfararsiðum.
Febrúar 2002. 99 svör. Tölvusett.

Spurt er um þann sið að setja ljós á leiði látinna, um hvers konar ljós er að ræða, hjá hverjum þau eru sett og á hvaða dögum, hve lengi er látið loga, jólatré, grenigreinar og annað skraut, hve gömul þessi venja er og hvaða þýðingu hún hefur fyrir fólk.
Fyrst sent út í janúar 2005. 109 svör. Tölvusett. Einnig voru tekin viðtöl.

Tilgangurinn með þessari spurningaskrá er að safna upplýsingum um fiskvinnu á síðari hluta 20. aldar, og er hún skilgreind í víðustu merkingu þess orðs, þ. e. vinnsla á bolfiski, humar, rækju, skel og fleiri tegundum. Spurt er um ráðningu, kaup og kjör, vinnutíma, starfshlutfall, verklag, verkunaraðferðir, vélvæðingu, vinnufatnað, hreinlæti, hollustuhætti, matarvenjur, tóbaksneyslu, samskipti á vinnustað, nýliða, kynjahlutverk, afstöðu til vinnunnar, erlent vinnuafl, íslenska farandverkamenn, heilsufar, slys, samskipti utan vinnutíma og dularfull fyrirbæri.
Október 2006. 62 svör tölvusett. Einnig voru tekin 16 viðtöl og eru þau öll aðgengileg sem textar og hljóðskrár.

Spurningaskrá þessi á við um smíði á tréskipum og stálskipum frá um 1950 til dagsins í dag. Spurt er um námið, verklega kennslu, ófaglærða, ráðningu, kaup og kjör, vinnutíma, vinnuumhverfi, verkfæri og vélar, nýsmíði, viðgerðir, viðhald, hampþéttingu (kalföktun), að hleypa af stokkunum, nafngjöf, jómfrúrferð, gamlar starfsaðferðir, nema, vinnufatnað, hreinlæti, hollustuhætti, matarhætti, tóbaksneyslu, samskipti á vinnustað, nýliða, heilsufar, slys, samskipti utan vinnutíma, dularfull fyrirbæri o.fl.
Mars 2007. 21 svar. Tölvusett. Einnig voru tekin 8 viðtöl og eru þau öll aðgengileg sem textar og hljóðskrár.

Spurt er um sumardvöl barna í sveit, m.a. um ástæður dvalarinnar og hvaða börn voru send í sveit. Auk þess er spurt um vinnuframlag barnanna, frístundir þeirra, aðbúnað á bæjunum, samskipti og viðhorf og út í „leikskóla“ á sveitabæjum.
Nóvember 2007.

Spurt er um veðurspár og veðurþekkingu Íslendinga. Heimildafólk er beðið um að fjalla um veðurspámenn í víðu samhengi, veðurspár bæði á landi og úti á sjó, hegðun dýra með tilliti til veðurfars og veðurdrauma, veðurvísur, málshætti og margt fleira.

Mars 2009.

Spurningaskrá þessi fjallar um bankahrunið haustið 2008, kreppuna sem fylgdi í kjölfarið og svo kallaða Búsáhaldabyltingu.

Þú ert fyrst og fremst beðin(n) um að segja frá þinni eigin reynslu en einstaka sinnum eru spurningarnar þó almenns eðlis. Lestu vandlega í gegnum þær áður en þú byrjar að svara, en ekki er nauðsynlegt að gera það í réttri röð. Frásögnin má því vera í samfelldu máli og algerlega frjáls ef að þér finnst það þægilegra. Þannig má líta á spurningarnar sem eins konar viðmið. Allar upplýsingar eru mikils virði jafnvel þótt svör fáist ekki við öllum atriðum. Ýmis fróðleikur sem ekki er spurt um sérstaklega mætti gjarnan fá að fljóta með.

Flestar spurninganna eru almenns eðlis þótt nokkrar eigi fyrst og fremst við um Reykjavík og nágrenni. Þú svarar þá eingöngu þeim spurningum sem við eiga.

Lesa meira