Félagsmenntun og tunga

Tímabilið 1600-2000

Aftökur voru viðhafðar fram á 19. öld, sú síðasta árið 1830 á þessum höggstokki.

Mikil breyting varð í trúmálum landsmanna við siðaskiptin um miðja 16. öld. Þá var kaþólskur siður aflagður og upp tekinn lútherskur rétttrúnaður. Sú breyting varð ekki síður efnahagsleg en trúarleg þar sem allar jarðeignir klaustra runnu til dönsku krúnunnar sem samtímis náði traustari tökum á landsstjórninni. Lesa meira

Tímabilið 800-1600

Vopn landsmanna komu flest erlendis frá og voru sambærileg þeim sem tíðkuðust annars staðar á Norðurlöndum. Við landnám fluttu landnámsmenn með sér svipaða samfélagsgerð og trú og áður hafði tíðkast í heimahögum þeirra. Ekki var komið á fót konungsríki heldur varð til kerfi höfðingjavalds og Alþingi sett á stofn árið 930. Ekkert opinbert framkvæmdavald framfylgdi ákvörðunum teknum af valdhöfum. Í stað þess veittu einstakir höfðingjar liðveislu þeim sem sækja þurftu mál og framfylgja úrskurði. Möguleikar manna til þessa voru því mjög háðir því hversu öfluga höfðingja þeir fengu til liðs við sig.