Útgáfa

Í Þjóðminjasafninu fer fram fjölbreytt útgáfustarfsemi sem ætlað er endurspegla margþætta starfsemi. Bæði rannsóknar- og sýningarverkefnum lýkur oft með útgáfu af einhverju tagi. Auk stærri fræðibóka stendur safnið að ýmsum ritröðum og bækur eru stundum gefnar út í samstarfi við aðrar stofnarnir. Þjóðminjasafnið gefur einnig út margvíslegt kynningar-, fræðslu- og skemmtiefni. Sérútgefin rit Þjóðminjasafnsins fást í Safnbúðinni.

Táknmál - Útgáfa
Útgáfa
Endurfundir

Endurfundir

Fornleifarannsóknir styrktar af Kristnihátíðarsjóði 2001-2005

Í tengslum við sýninguna Endurfundi er komið út veglegt sýningarrit sem hefur að geyma greinar um sex þeirra staða sem fjallað er um á sýningunni.

Kristnihátíðarsjóður var stofnaður árið 2000 til að minnast þess að 1000 ár voru liðin frá því að kristinn siður var lögtekinn á Íslandi. Hlutverk sjóðsins var annars vegar að efla fræðslu og rannsóknir á menningar- og trúararfi þjóðarinnar og hins vegar að kosta fornleifarannsóknir á helstu sögustöðum landsins. Auk greina um sex þeirra staða sem rannsakaðir voru fyrir fjárframlög úr sjóðnum má í bókinni finna ítarlega grein um forvörslu gripa frá þeim. Staðirnir eru Hólar, Keldudalur, Kirkjubæjarkalustur, Reykholt, Skálholt og Skriðuklaustur. Pétur Gunnarsson rithöfundur ritaði inngang og Margrét Hallgrímsdóttir þjóðminjavörður formála. Bókin fæst í safnbúð Þjóðminjasafnsins.

Nýjar bækur Þjóðminjasafnsins

Þjóðin, landið og lýðveldið

Þjóðin, landið og lýðveldið

Samfara viðamikilli sýningu á verkum Vigfúsar Sigurgeirssonar, ljósmyndara og kvikmyndagerðarmanns sem nú stendur yfir í Þjóðminjasafninu gaf safnið út bókina Þjóðin, landið og lýðveldið ? Vigfús Sigurgeirsson, ljósmyndari og kvikmyndagerðarmaður. Lesa meira
 
Yfir_hafid_og_heim

Yfir hafið og heim

Í tengslum við sýningu Þjóðminjasafnsins á um 800 munum sem safnið fékk afhennt til ævarandi varðveislu frá Nordiska Museet í Stokkhólmi árið 2008 var gefin út ítarleg sýningarskrá. Lesa meira
 
Endurkast

Endurkast

Í tilefni sýningarinnar Endurkast var vegleg og að mörgu leyti óvenjuleg ljósmyndabók gefin út sem gefur glögga mynd af sýningunni og þeim viðfangsefnum sem nútímaljósmyndun fæst við. Bókinni er ætlað að varpa ljósi á stöðu ljósmyndunar í íslenskri myndlist og skoða viðfangsefni og nálgun ljósmyndara sem unnið hafa með ljósmyndun sem listmiðil.
Lesa meira
 

Rannsóknaskýrslur og fyrirlestrar

Á tímum torfbæja

Á tímum torfbæja

Út er komin skýrslan Á tímum torfbæja. Híbýlahættir og efnismenning í íslenska torfbænum frá 1850. Skýrslan sem er eftir dr. Önnu Lísu Rúnarsdóttur er gefin út í ritröðinni Skýrslur Þjóðminjasafns Íslands.

Í skýrslunni kynnir Anna Lísa niðurstöður verkefnis sem hún vann í rannsóknarstöðu dr. Kristjáns Eldjárns.

Lesa meira
 
Á efsta degi

Rit Þjóðminjasafns Íslands

Í ritröðinni Rit Þjóðminjasafns Íslands hafa fyrst og fremst verið gefnar út vandaðar sýningabækur og sýningaskrár en stefnt er að því að auka fjölbreytni ritraðarinnar og bæta við hana fagbókum ýmis konar, fræðslu- og leiðbeiningaritum fyrir almenning, styttri greinum og öðru efni.

Lesa meira
 

Samskipti

Þjóðminjasafn Íslands

Suðurgötu 41, 101 Reykjavík

Sími: 530-2200

Fax: 530-2201

Netfang: thjodminjasafn@thjodminjasafn.is

 
 

Útlit síðu:

Efra val

Þetta vefsvæði byggir á Eplica